Rondgezang Liedboek CodexCoëfficiënt
Terug

Scan voor CodexCoëfficiënt

Cantilena potatoria

Ook wel: Meum est propositum

Tekst: 12de eeuw, 'Archipoeta'
Muziek: Hans Joachim Moser (1889-1967)
Liederen met deze melodie: Goed besluit
Pagina in liedboeken:  
  1. Meum est propositum in taberna mori,
    ut sint vina proxima morientis ori.
    Tunc cantabunt laetius angelorum chori:
    "Sit Deus propitius
    huic potatori."(bis)
  2. Poculis accenditur animi lucerna,
    cor imbutum nectare volat ad superna.
    Mihi sapit dulcius vinum de taberna
    quam quod aqua miscuit
    praesulis pincerna.(bis)
  3. Loca vitant publica quidam poetarum
    et secretas eligunt sedes latebrarum,
    student, instant, vigilant nec laborant parum
    et vix tandem reddere
    possunt opus clarum.(bis)
  4. Ieiunant et abstinent poetarum chori,
    vitant rixas publicas et tumultus fori
    et, ut opus faciant, quod non possit mori,
    moriuntur studio
    subditi labori.(bis)
  5. Unicuique proprium dat Natura munus:
    ego numquam potui scribere ieiunus,
    me ieiunum vincere posset puer unus:
    sitim et ieiunium
    odi tamquam funus.(bis)
  6. Unicuique proprium dat Natura donum,
    ego versus faciens bibo vinum bonum
    et quod habent purius dolia cauponum
    tale vinum generat
    copiam sermonum.(bis)
  7. Tales versus facio, quale vinum bibo,
    nihil possum facere nisi sumpto cibo,
    nihil valent penitus, quae ieiunus scribo,
    Nasonem post calicem
    carmine praeibo.(bis)
  8. Mihi numquam spiritus poetriae datur,
    nisi prius fuerit venter bene satur,
    dum in arca cerebri Bacchus dominatur,
    in me Phoebus irruit
    et miranda fatur.(bis)

Auteursrechtinformatie over dit lied

Tekst verkregen via Leuvens Liedboek vzw
YouTube
YouTube