Een kint gheboren in Bethlehem
verblidet alle Jerusalem

Keerzang:
Amor, amor!
quam dulcis est amor!

Die sone die nam die menscheit aen,
die bi den vader comen can.

Doe Gabriel die enghel quam,
die joncfrouwe doe den sone ghewan.

Een brudegom uut sijnre cameren
ghecomen sonder jameren.

Si leiden in een cribbekijn,
des ewighen vaders sonekijn.

Die os ende die esel die hebbent gheweten
mer dat dat kint is Jesus gheheten.

Drie coninghen quamen uut Oostenlande
ende brachten mit hem haer offerhande.

Si ghingen daer te samen in
ende groeten dat niewe kindekijn.

Die enghelen songhen doe ter tijt,
die herdekens waren mede verblijt.

Die menschen in der eerden mede
ende die ghelovighen creghen den vrede.

Al mit den enghelen wille wi singhen
ende laten onse herten in vrouden springhen.