Scan voor CodexCoëfficiënt
Ik zeg adieu
Ook wel: Ick seg adieu
Ick seg adieu.
Wy twee wi moeten sceiden
Tot op een nyeu
So wil ic troost verbeyden
Ic late bi u dat herte mijn
want waer ghi zijt daer sal ic zijn
Tsi vruecht oft pijn
Altoos sal ic u vry eygen zijnMijns sins ghequel
dat doet mi dicwils trueren
Haer liefde rebel
Die doet mi therte schueren
tsceiden van u doet mi den noot
ic blijf gewont ic segt u bloot
Schoon bloeme minioot
u eygen bliue ic tot inden dootIc dancke u lief
Reyn minnelic lief gepresen
Voor alle grief
So wilt mi doch ghenesen.
dese niders fel met haer fenijn
Si hebben belet ons blide aenschijn
Op dit termijn.
altoos sal ic u vry eygen zijn.Mijn hop mijn troost
Fortuyne sal noch keeren
Lief op mi gloost
So sal mijn vruecht vermeeren.
al moet ic deruen mijn conroot
Ende blijuen in dit lijden groot.
Swaerder dan loot
U eygen blijf ic tot inde dootAdieu van mi
So zijt ghi nu gescheyden
Een ander met dy
sal hem nu gaen vermeyden
Coragieus gelijc deuerswijn
Een amoreus cranselijn
Puer ist van dijn
Altijt sal ic u vrij eyghen zijnAdieu schoon stadt
Adieu prieel vol vruechden
Reyn maechdelijck vat
Daer wi tsamen verhuechden
Gedenct den troost die ghy mi boet
Ghi zijt mijn lief die ic noeyt en vloot
Ic segt u bloot
u eygen bliue ic tot inde doot
Meer informatie
Ick seg adieu
Werelt wi twee wi moeten sceyden
Van een lief nyeu
Wil ick troost gaen verbeyden
Ick laet u Icsu dat herte mijn
Want waer ghi sijt daer moet ick sijn
Tfy vruecht ost pijn / tfy vruecht ost pijn
Altijt moet ick u vry eygen sijn
Altijt moet ick u vry eygen sijnMijns sins ghequel
Dat doet mi dicwils trueren
En tvleesch rebel
Wil des gheests vrede schueren.
Maer Iesu ghi brengt mi wter noot
Met liue ghewont aent cruyce bloot
O liefde groot / o liefde groot
U eygen blijf ic tot in die doot.
U eygen blijf ic tot in die doot.Ick dancke v God
Reyn minnelic God ghepresen
Van allen spot
Dat ghi mi hebt ghenesen
Nyders fel met haer fenijn
Willen ons beletten v blide aenschijn
Op dit termijn / op dit termijn
Altijt moet ick u vry eygen sijn
Altijt moet ick u vry eygen sijnMyn hope is troost
Die ghi tot mi doet keeren
Heere op my gloost
So sal mijn vruecht vermeeren
Want moste ic u deruen ter noot
Ic bleue verdruct in liden groot
Wanhopich bloot / wanhopich bloot
U eygen bliue ick tot inder doot
U eygen bliue ick tot in mijn dootGheenssins van mi
En moechdy sijn ghesceyden
Met gheen dan di
Mach ick mi gaen vermeyden.
In u so vinde ic voetsel sijn
Dwelck maect vroem die siele || mijn
Ende lost wt pijn / ende lost wt pijn
Altijt moet ick u vrij eygen sijn
Altijt moet ick u vry eygen sijnGhi sijt een schat
Verciert met allen vruechden
Een costelijck vat
Alleen veruult met duechden
Ghi helpt alleen wt wederstoot.
Die hen op vubetrouwen bloot
In alder noot / in alder noot.
U eygen blijf ic tot in die doot.
U eygen blijf ic tot in die doot.